Linda Fitri Ibrahim – Dene ku Belang

Linda Fitri Ibrahim – Dene ku Belang

Album : Perdamaian 2006

Liwet Pegasing enge taring pedekok
Renye munangkok kite ku baur atas
Belang kejeren aku denem olok
Mubayang wan utok iwas atete telas

Ari bur lintang isak telas wani geldok
Denewe mulelencok tenaring nirelas
Ari titi wak ku linge mugedok
Was ni sejarah oya negeri tampuk

Ise – Ise ara warung pojok
teduh kite muningok mangan minumpe pues
So lane lumut enge tareng i kuduk
Ramini penduduk enge emeh limus tamas

Ari ise – ise muloi munangkok
Demu tekengon polok berpalang awas
Intim – intim bau re mu perok
Terbayang olok denie gayo lues

Si heran di aku olok pedi tekok
agak ku bercucuk ukir ni alas
pelangus epe nume uluh buruk
Bengkuange lempuk kunul tepe temas

Ken barang dagang si ara mu pokok
Rata pelosok lagut epe pantas
ku seluruh negeri lagu i pepeluk
Si turah enguk oya i ke kemas

Seni ni beberu oya Kepies tajuk
Tari epe nge Lempuk oya le bines
Budaya mu perdu asale nge mu pucuk
Enti mi ko gabuk sudere i gayo lues

So saman gayo seni budaya gere lapuk
Iwan porak sejuk wae gere ubes
nge kite engon lingan epe lempuk
gere murantuk enge mulelewas

Pekayan edet epe mu masa we i seluk
Beberu ber tajuk taring mulo emas
Bebujang epe ber selep munuk
Reni wawuk sebak epe nge lemas

Posting By Arta

https://gayomp3.wordpress.com