Arjua Mansyur – Ine

Title : Ine

Vocal : Arjua mansyur (Linge Group)

Album :Perdamian 2006

ine ….
Pengeko kedie aku mutalu
Wan nomemu gere naeuh ku rungu
Empet mengenakan lues
Temas gere ilen ne ku demu
Keber ari kuyu keras
timul uwes melas wan ni dedengku

ine ….
Masa muganti masa renye selalu
Maken mu tamah jalenni sebuku
Kutatangan pumungku kuatas
Muniro Belas oya si nge tentu
Do’angku gere mubatas
Buge luesmi ningko kuburmu

Kuawei laut lues
Mu empas gelumang ku perau
Mejen Lemem mejen pantas
Buge lepas we aku lalu

Kabri Wali – Ama Ine

Kabri wali – Ama Ine

Ama Ine eeeeeeee
Ini Pongotni gayo ine
Kute takengen besilo nge musarik
Ulahni politik jema si jago – jago
Bier pe i dusun bier pe isi lengkik
Laingni kekek nume makin gure ine…

Gere Ne aman Rakyat nge usik
Mukim orom Gecik ke meh muselo
Reje orom imem si musasat sidik
Bewene panik lagu cekakni benno ine…

Beluhni Nyawa gere neh tekek
Ara bercengkek ara si berdere ine…
Dup meta mara gere ara si macik
Sempat ilen kedek pemimpin ni jewe ine…

Dop ara pe jeda mantong ilen mangik
umpama ni senik nge mujadi bute
Ara pe reta gere neh terdedek
Ere roloh mutik kupi pantan sile ine…

Ama….. Bayak bajungku ine….
Enge emeh merke jema si lisik
dele nge mu teldek kuren tembege ine…
Taring murense umah jamur unik
Kering nge repek ko supu serule ine…

Yatim pe dele simen anak merek
Mongot orom kedek enge meh musede
Iwan atewe nge lagu si sewek
Gere ke macik ko musara Gayo ine…

Ama..aaaa Ini pongotni gayo ine….
Ike kite engon sentan kite telek
Si tukang angik kara pihak ketige ine…
Akal iyayon kati rusak rasik
Sampe bersenik jema sara ine ine…

Kalang iatas terbang puke kelik
Kurek orom eteng i tuyuh nge cico ine…
Gere meteh lewen sahen si dedek
Bier pe ama ecek renye i pekaro ine…

Munyenoh ken ulu ulahni si cerdik
Parok i pantik nyenohi ken Reje ama …ooo
Rakyat si ogoh sabe kona pecek
Gere meteh ujung ralik si munangung resiko ine…